Brgy. Captain Ariel Castigador,binaril...PATAY!

Kapitan Ariel Castigador of Barangay Balansay Mamburao Occidental Mindoro

          Walang buhay at kaawa-awang bumagsak ang mabait at masipag na 3termer na Kapitan ng Barangay Balansay, Mamburao Occidental Mindoro na si Kapitan Ariel Castigador matapos barilin sa ulo at dalawang beses sa likod gamit  ang M14 rifle sa harap mismo ng kanyang maybahay na si Gng. Nora Castigador at ng kanyang anak na si Ariel Castigador Jr.

          Ayon sa mga nakasaksing kapamilya, kasalukuyang kumakain ng kanilang agahan ang pamilyang Castigador dakong alas 9:00 ng umaga ika-19 ng Setyembre 2010 ng biglang dumating ang labing isang(11) armadong kalalakihan kabilang ang isang babae at nagpakilalang sila diumano ay mga miyembro ng New People's Army (NPA). Nakuha pang anyayahan ng mabait na kapitan na saluhan sila sa kanilang almusal subalit tumanggi diumano ang mga ito at kinaladkad palabas ng bahay ang nasabing kapitan. Tinangkang pigilan ng maybahay ang mga suspek subalit nagbitiw ng mga salitang"H'wag kayong humarang kung ayaw nyong madamay ,marami ng atraso sa amin si kap katulad ng pagpapasuko ng aming ilang kasamahan at madalas na nakikitang nakaangkas sa mga INTEL". Sinubukan pa diumanong dumepensa at magpaliwanag ng biktima na "Iyon po ay ayon naman sa kanilang kagustuhang sumuko at hindi ko sila pinilit."

          Matapos ang pamamaslang dali-daling tumakas ang mga salarin patungo sa direksyon ng kabundukan habang nananaghoy ang mga kapamilya sa pagkamatay ng nasabing biktima.
         Habang isinusulat ang balitang ito ay patuloy naman ang ginagawang masusing imbestigasyon ng mga kapulisan sa pangunguna ng chief of police na Police Inspector Rollyfer Capoquian at nangakong gagawin ang lahat sa ikalulutas ng krimeng naganap sa barangay na ito. Ganundin ang pinal na imbestigasyon ng SOCO/CIDG.

News Writer : Dj Danielle

Photos By: Raymond Balbin

Researchers: Raymond Balbin

                        Dj Arvee

KING CORN

KING CORN

                        Madalas ka bang namamasyal sa SM BATANGAS?Lagi ka bang nagugutom sa sobrang pagkalibang sa pamamasyal dito?Pamatid gutom at masarap na merienda lang ang katapat nyan at yan ay matatagpuan sa KING CORN!!!
               Iba't ibang flavor ang inyong pagsasaluhan dyan.Meron silang Butter,Garlic ,Cheese, BBQ at marami pang iba.Kaya mag enjoy at mabusog sa KINGCORN only at Batangas city sa tapat ng Celine Boutique.They also offer catering services.For more details please  contact cellphone number 09263969523 and 09165647570 look for Mr. Chris Diroy!

Pag-alerto,malayo sa peligro!

               Noong ika-27 at ika-28 ng Agosto ginanap sa Brgy. Victoria Sablayan Occ.Mdo. ang National Disaster Conciousness month na may theme na "Pag-alerto, malayo sa peligro".Dinaluhan ito ng iba't ibang kinatawan mula sa iba't ibang opisina ng Provincial Capitol.Sa unang araw ay isinagawa ang orientation at ibinigay ang impormasyon ng teorya sa pangunguna ng Brgy. Captain na si Kgg. Severino Martinez.
               Nagsimula ang nasabing okasyon ganap na ika- 9:30 ng umaga.Nagbigay ng pahayag si Gng. Rosalinda Lamoca ang OIC-PSWDO para sa participants kung ano ang mangyayari sa buong maghapon.. Naroon din si G. Hilton Hernando ang kinatawan ng PAGASA kung saan ay nagbahagi ng kaalaman at ilang guidelines tungkol sa epekto ng mga kalamidad sa tao at sa kapaligiran tulad ng PAGASA public storm signal/Typhoon tracking , Installation of local water level gauge, Dissemination of warning signs,Other signages needed in the community at ang Pre-identified evacuation area.Ganundin tinalakay ng Regional Director ng OCD-IV-B Dir.Nelia S.Tabliago ang Family Preparedness for Flood/Landslides at Community Preparedness for Flood and Landslides.
              Samantala sa ikalawang araw ginanap ang actual flood drill sa ganap na ika-8:00 ng umaga.Muli pinangunahan ito ng Brgy.Captain na si Kgg.Severino Martinez sa pamamagitan ng paggamit ng iba't ibang equipments at sasakyan sa lugar na pinagdausan ng nasabing Actual Flood Drill.Dito ay natutunan ng bawat kinatawan ang mga dapat gawin kung paano magliligtas at kung paano hindi dapat mataranta ang bawat isa.Naroon din ang Provincial Hospital Administrator na si Doctor Ramos at nagsilbing doctor sa mga nagkunwaring biktima nga kalamidad upang maisabuhay ang sitwasyon.Pagkatapos ng lahat ng ginawa ng mga kinatawan ay hiningan ng komento at suhestyon ang mga ito.Tinapos ang naturang okasyon ng Kagalang galang na kapitan na si Kap.Severino Martinez ganap na ika-3:00 ng hapon.