80IB BATCOM LTC ROGELIO P. PERCOL,GOV.JOSEPHINE RAMIREZ-SATO,Abra de Ilog Vice-mayor FLORO CASTILLO

MAKAHULUGANG PRAYER RALLY SA ABRA DE ILOG, OCC.MDO.!!!

                Sitio Talusungan brgy Balao Abra de ilog, Occ.Mdo.-Noong ika-29 ng Hulyo bandang alas 3:00 ng hapon ay pinasabog diumano ng mga New People's Army (NPA) ang 3 dump truck at isang backhoe sa pamamagitan ng dinamita noong at ika-9 ng buwang kasalukuyan,2010.Ito ang naging dahilan upang magsagawa ng isang Prayer Rally sa So. Talusungan Brgy Balao, Abra De Ilog sa pangunguna ng 80Infantry (Steadfast) Battalion sa pamumuno ng Battalion  Commander na si LTC. ROGELIO P. PERCOL kasama ang station manager ng 104.9 MAMBO-HEART FM na si 1st LT. Natalie Kris Obina. At ang mga kasundaluhan ng nasabing Battalion.Naroon din ang mga kapulisan upang siguraduhin ang seguridad ng nabanggit na okasyon.Dumalo rin ang ina ng lalawigan ng Occ. Mdo. na si Governor Josephine Ramirez Sato ksama ang Vice-Gov. Mario “Gene” Mendiola, atvVice-Mayor ng Abra De-Ilog na si Hon.Floro Castillo.Naging kaagapay rin ng mga kasundaluhan ang mga kapulisan sa pamumuno ni Police Senior Inspector (PSI) MARLON CABATANA ang Abra De Ilog, chief of police.Kabilang din sa nasabing rally ang lider/pastor ng iba’t ibang relihiyon tulad ng mga sumusunod Pastor Loreto Masangkay Jr. , Pastor Daniel Bas, Gng. Celeste Zoleta ang kinatawan ng Iglesia Ni Cristo(INC)., Rev. Fr. Ronald Panganiban Parish Priest of San Rafael Abra De Ilog at ang samahan ng mga manggagawang kristiyano ng nasabing bayan.
                Nagsimula ang prayer rally ganap na alas 8:00 ng umaga sa pamamagitan ng isang interpretative dance na ginampanan ng Fresh Mangyan Tribe ng Hearts clan. Sinundan ito ng makahulugang mensahe na ipinaabot ng chief of police ng Abra De Ilog sa katauhan ni Senior Police Inspector Marlon Cabatana,at mula naman sa 80IB ay ang Battalion Commander na si LTC Rogelio P. Percol, ganundin nagbigay ng mensahe ang Vice-Mayor ng bayang ito na si Hon. Floro Castillo bilang kinatawan ni Municipal Mayor Eric Constantino. Binigyan din ng pagkakataon magpahayag ng kanyang saloobin ang Vice Governor ng lalawigang ito na si Hon. Mario “Gene” Mendiola at buong tapang na nagbigay ng makahulugang mensahe ang ina ng lalawigang ito sa katauhan ni Governor Josephine Ramirez Sato kung saan ay hinamon nya ang taong bayan kung nais natin ng kapayapaan ito ay dapat magsimula sa sarili ng bawat mamamayan sa pamamagitan ng pag alis ng takot sa mga taong gumagawa ng hindi maganda sa pamahalaan at tuluyang makipagkaisa sa pagsugpo sa mga taong nasa likod ng pangyayaring ito.
                Sinundan ng motorcade mula sa lugar na pinagsunugan ng mga nabanggit na sasakyan hanggang sa Abra De Ilog pier kung saan ay ginagamit ang mga dump truck na pinasabog pabalik sa bagong gymnasium ng nasabing bayan kung saan isinagawa ang pagtatapos ng panalangin ng bawat lider ng relihiyon.Layunin ng naturang rally ang pagpapaabot ng mensahe na sana ay maliwanagan na ang isipan ng mga taong gumawa ng bagay na ito upang tuluyan ng maghari ang kapayapaan sa lalawigan ng buong  Occidental Mindoro.


NEWS WRITER: DJ DANIELLE


PHOTOS BY: RAYMOND BALBIN

ANG MGA SINUNOG NA DUMP TRUCK AT BACKHOE 

   

  

  

1st LT NATALIE KRIS OBINA

ANG MGA KAPULISAN

BAYAN NG ABRA DE ILOG