DEMOLISYON SA SITIO MABUHAY

              Ika-16 ng Agosto sinimulan ang demolisyon sa Sitio Mabuhay,Brgy. Tayamaan Mamburao Occidental Mindoro sa kadahilanang ito ay nakalaan para sa pagpapatayo ng slaughter house o katayan ng baboy, baka at iba pang hayop na ititinda sa palengke.Nakapaskil malapit sa kasalukuyang slaughter house ang mensaheng ito.

ANG ILAN SA MGA BAHAY NA IPINAGIBA

Add caption

              Ilan sa mga residente ang nakapanayam ng inyong lingkod at nagpahayag ng kanilang damdamin hinggil sa isinagawang demolisyon at ang tanging hiling diumano ng mga residente ay ang relocation area upang sila ay hindi magmukhang kawawa sa oras na dumating nga ang sandaling ito.Subalit hanggang sa mga oras na ito  ay walang malinaw na usapan ukol sa nasabing relocation.Ayon pa sa ilang residente wala umanong hawak na court order ang mga taong nagpagiba ng mga kabahayan.Apektado ang labing dalawang pamilyang nanirahan ng halos 7 taon hanggang 30 taon sa lugar na ito. Ayon pa rin sa kanila ang tanging sagot lamang sa kanila kung saan sila maninirahan pagkatapos ng ngyaring ito ay pansamantala kuno muna silang manirahan sa mga kamag anak o mangupahan sa ibang lugar.

NEWS WRITER: DJ DANIELLE


PHOTOS BY: RAYMOND BALBIN